Thursday, November 30, 2006

మన లక్ష్మణ్ జట్టు లో కొచ్చాడోచ్!

అహా ఎన్నాళ్ళకెన్నాళకు మన స్టయిలిష్ బ్యాట్స్ మెన్ లక్ష్మణ్ కు జట్టు లో అవకాశం వచ్చింది. అన్నీ వుండి ఒక్క గాడ్ ఫాదర్ లేక పోవడం వల్ల జట్టు లో స్థానం ఎప్పుడూ కొల్పోవాల్సి వచ్చేది. తన కు స్థాన రావాలంటే తను చేసిన సెంచురీలూ ఏవీ తన సహాయం చేసేటివి కాదు. ఇక తప్పదనుకున్న పరిస్థితులలో జట్టు లోకి తీసుకునేవారు. ఆస్ట్రేలియా బ్యాట్స్ మెన్ స్టీవ్ వా, రికీ పాంటింగ్ ఎప్పుడే అనేవాళ్ళు " అదేంటో గానీ ఇక్కడ ఆస్ట్రేలియా కొచ్చి బాగ ఆడి ఇండియా వెళతాడు. అక్కడి కెళ్ళిన తరువాత ఎందుకు తీసేస్తారో అర్థమయ్యేది కాదు" అని. ఇది ముమ్మాటికి నిజం. తను జట్టు లోకి రావాలంటే కౌంటీ మ్యాచుల్లో ఎప్పుడూ సెంచురీలు కొడుతూనే వుండాలి. లేక పోతే సీటు గోవిందా. ప్రపంచంలో అగ్రగణ్యులైన బ్యాట్స్ మెన్ బ్రాడ్ మెన్, వివియన్ రిచర్డ్స్ మరియూ సునిల్ గవాస్కర్ లాంటి వాళ్ళచే టెక్నికల్ బ్యాట్స్ మెన్ గా కొనియాడబడిన మన తెలుగు క్రికెటరుడిని జట్టు లోకి తీసుకోక పోవడం సర్వాదా శోచనీయం. మనకున్న కొద్ది మంది టెక్నికల్ బ్యాట్స్ మెన్ లలో ఒకడైన దిలిప్ వెంగసర్కార్(ప్రస్తుతం సెలక్షణ్ బోర్డ్ చైర్మన్) కూడ లక్ష్మణ్ ను పక్కన పెట్టడం విచారకరం.

మన తెలుగు పత్రికలు కూడా మన సొగసరి బ్యాట్స్ మెన్ ఇవ్వాల్సిన ప్రాధాన్యత ఇవ్వట్లేదు. ఈ విషయంలో బెంగాలీలు, ముంబయ్యీలు కన్నా మనం చాలా వెనకబడి వున్నాం. ఆ ప్రదేశం నుండి వచ్చిన వాళ్ళు ఎన్ని సున్నాలు కొట్టినా గింగిరాలు తిరుగుతు మళ్ళీ జట్టు లోకి వచ్చేస్తారు. మనవాడు ఒక్క సారి సున్నా కొడితే చాలు భవిష్యత్తు శూన్యం చేసేస్తారు. ఎదయితేనేం మన తెలుగు బిడ్డడికి మొదటి సారిగా వైస్ కేప్టన్ గా కూడ అవకాశం వచ్చింది. ఎప్పుడో రావాల్సిన అవకాశం ఇప్పటికైనా వచ్చింది. ఈ వచ్చిన సదవకాశాన్ని సద్వినియోగం చేసుకుని జట్టు లో స్థానాన్ని పది కాలాల పాటు కాపాడుకుంటాడని అందరం ఆకాక్షింద్దాం. తెలుగు (దిన)పత్రికలూ! మన వెరీ వెరీ స్టయిలిష్ లక్ష్మణ్ కు ఇవ్వాల్సిన స్థానాన్ని మరిచిపోకండి.

లక్ష్మణ్! గుడ్ లక్. మళ్ళీ వెనక్కి తిరిగి చూడకు. నీ లెగ్ వర్క్, ఫుట్ వర్క్ ,మణి కట్టు మాయాజాలాన్ని మరొక్క సారి ఆఫ్రికా గడ్డ మీద మాకు కనువిందు చెయ్.

1 comment:

ప్రవీణ్ గార్లపాటి said...

లేదండి టాలెంట్ ఉన్నా దాన్ని ఉపయోగించాలి కదా....
ఎప్పుడు ఛాన్స్ ఇచ్చినా fail అవుతూంటే ఎలా తీసుకుంటారు.

మిగత వాళ్ళు కూడా ఆడట్లేదు కాబట్టి ఇప్పుడు తీసుకున్న తప్పులేదు. ఏమంటారు ?