Tuesday, February 19, 2008

ఈ వారం సిధ్ద -- బుద్ధ (18-ఫిబ్రవరి-2008)



"ఏంట్రా అలా దిగులుగా వున్నావు?"

"ఏం లేదయ్యా ఏం చెప్పమంటారు. ఇన్నాళ్ళు చక్కగా గిలిగింతలు పెట్టే అమెరికాలో అపసోపాలు టపా అయిపోయింది."

"దానికెందుకు ఏడవటం మురళీ బ్లాగునుండి మళ్ళీ ఇంకో సీరియల్ మొదలవుతుందిలే అంతవరకు అదిగో ఈ జెమినీలో వచ్చే దైవ భక్తి సినిమా 'అమ్మోరు మట్టి' అనే సీరియల్ చూడు."

"అయ్యగారు, నా మీదేమన్నా కోపముంటే తిట్టండి కొట్టండి అంతే కానీ నన్నలాంటి టి.వి. సీరియళ్ళు చూడమని హింసించకండి" గుడ్ల నిండా నీరు వస్తుంటే టవల్ తో నోట్లొ కుక్కుకుని చెప్పాడు.

"సరేలే ఏడవకు భక్తి సీరియళ్ళు చూడకపోతే చూడక పోయావ్ దానికి విరుగుడుగా త్రిల్లర్ సీరియల్ 'పీక కోసిన పాప' TV 9 లో వస్తుంది చూడు."

"అయ్యగారు, మీకు నా మీద ప్రేమో లేక నన్ను బయటికి గెంటెయ్యాలనే ప్లానో తెలియడం లేదు నేనేదన్నా తప్పు చేస్తే నన్ను క్షమించండయ్యా" అని కాళ్ళ మీద పడిపోయాడు.

"సర్లే లేవరా నిన్ననే అంత వాడినా చెప్పు ఏదో నెలసరి ఖర్చుల్లో తేడా వస్తుందేమో నని అలా మాట్లాడా."

"ఆ నాకిప్పుడర్థమయింది మీరెందుకిలా మాట్లాడుతున్నారో. మొన్న, ఇళ్ళల్లో పని చేసే వాళ్ళందరికి రోజుకు వంద రూపాయలు ఇవ్వాలని ప్రభుత్వం చెప్పింది కదా. నేను కూడా అంత డబ్బులు అడుగుతానని అనుకున్నారు కదూ. మా పిల్లల చదువులకు, అమ్మాయి పెళ్ళి కి సహాయం చేసిన మిమ్మల్ని నేను అలా డబ్బు అడుగుతానని ఎలా అనుకున్నానయ్య గారు. ఎలా అనుకున్నారు?" అని మళ్ళీ తువ్వాలులో మొహం పెట్టి ఏడ్చాడు మామ గారు సినిమాలో దాసరి నారాయణ రావు లాగా.

"నిన్ను నా మందులకోసం చెన్నై పంపించడం తప్పయిపోయిందిరా. అక్కడ కె.ఆర్.విజయ నటించిన భక్తి సినిమా ఏదో చూసి నట్టున్నావ్ ఇంకా ఆ ట్రాన్స్ లోనుండి బయటికి రాలేక పోతున్నావ్.ప్రతి దానికి ఏడుపులే. నేనన్నది మన రోశయ్య గారు 13వ సారి ప్రవేశ పెట్టిన బడ్జెట్ గురించి. పైకి మెత్తగా కనిపిస్తున్న ఈ బడ్జెట్ ఎక్కడ నా బొక్కసానికి బొక్కేస్తుందోనని అలా అన్నా "


"అంతేనంటారా? నేనే అనవసరంగా భయపడ్డాను.నేను ఈ వారమ్లో మిస్సయినవి ఏవన్నా వుంటే చెప్పండి."

"వాలెంటైన్‌ డే స్పెషల్ గా హైదరాబాద్ లో ఏదో రేడియో వాళ్ళు డేట్ 'ఇన్‌ద స్కై' అనే కార్యక్రమం చేశారు. అందులో గెలిచిన వాళ్ళను కాసేపు విమానంలో తిప్పారట. "

"ఆ తొక్కలో డేటింగులు ఇక్కడికూడా వచ్చాయన్నమాట. ముంబై నుండి శంషాబాదుకు విమానమ్లో రావడానికి ఎంత సేపు పడుతుంది?"

"ఒక గంట"

"అదే శంషాబాదు నుండి హైదరాబాద్ రావటానికి ఎంత సేపు పడుతుంది?"

"ఆ ఎంత ఓ పదో పాతికో నిముషాలు."

"అక్కడే మీరు బ్లాగులో కాలేశారు. ఒకటిన్నర గంట. సరేలే బ్లాగుల గురించి చెప్పండి."

"ఈ వారం వాలెంటైం డే సందర్భంగా వచ్చిన నాకు నచ్చిన హెడ్లైన్‌ ప్రేమలో పడకండి – ప్రేమలో నిలబడండి. చాలా కాలం తరువాత నాకు నచ్చిన సినిమా అని కాకుండా నాకు నచ్చిన సినిమా సన్నివేశం అని సిరి గారు, టి.వి.సుమన్‌ మీద శ్లేష తో ఆచార్యుల వారు తిరంగేంట్రం చేశారు."

"తిరంగేట్రం ఏంటండి అయ్య గారు. అసలే మద్రాసు నుండి వచ్చిన నాకు అంతా అరవం లా వినబడుతోంది."

"మొదటి సారిగా ఏదన్నా ప్రదర్శన ఇస్తే దాన్ని అరంగేట్రం అంటారు.రెండో సారి తిరిగి వస్తే తిరంగేట్రం అంటారు."

"సొంత పైత్యమన్న మాట. మీకు అవార్డు ఇవ్వాలి ఇలాంటివి కనుక్కునందుకు."

"అవార్డులంటే గుర్తుకు వచ్చింది. మొన్న నంది అవార్డులు ఇచ్చార్రో?"

"అబ్బా ఉగాది రాకనే అంత తొందరగా ఇచ్చేశారా?"

"ఏమి నమ్మకం రా నీకు ఈ ప్రభుత్వం మీద. ఇప్పుడు ఇచ్చింది 2007 కు కాదు 2006 కు.ఇంకా నయం 2009 లో ఇవ్వలేదు. "


::::::::::::::::::::::::::::::::::::::::

"అయ్యగారూ. ఎక్కడ చూసిన ఈ జోధా అక్బర్ గొడవేంటి?"

"ఏమోరా శ్రీధర్ గారు అక్బర్ గురించి రాసిన టపాలు చదివిన తరువాత కనీసం దీని రివ్యూ కూడా చదవాలనిపించలేదు. సినిమా కథంతా కల్పితమట. రాజస్థాన్లో రాజ్ పుట్ లు గొడవ చేస్తున్నారు. చరిత్రకి దీనికి సంబంధం లేదట."

"మనకు భాగ్యనగర్ అని పేరు రావాడానికి కూడా ఎదో చరిత్ర వుంది కదా."

"ఆ ఏదో వుంది."

"అదే భాగ్య నగర్ లో వున్న మూసీ నదికి ఆ పేరు ఎలా వచ్చింది?"

"ఆ నది పక్కన నడిచేటప్పుడు ముక్కు మూసి నడవాలి కదా అందుకని మూసీ నది పేరొచ్చింది."

::::::::::::::::::::::::::::::::::::::::::::::::::::::::

6 comments:

dhrruva said...

Vihaari..

Mukku moooosukuni daily vasthunna naaku matram ippudey telisindhi... MOOSI river ki aa peru elaa vachindho"

nice Post man !!

Siva Kumar said...

అదిరింది అన్నాయ్

krish said...

chala chala bagunnai... awaiting further posts.

రానారె said...

భలే :)

Kiran Chittella said...

మూసికి రెండు ఉపనదులున్నాయి, మూసా (మోసెస్), ఈసా (జీసస్). అలా ఆ రెండు కలిసి ఏర్పడింది కాబట్టి మూసి అయ్యింది.

phani said...

నిష్కర్షగా నిజాలను చెప్పే పత్రిక "సాక్షి".... అధ్భుతం.